„მარკას“ ინფორმაციით, დანიელ კარვახალმა მადრიდის „რეალისგან“ შეთავაზება მიიღო...

სამეფო კლუბი მზად არის, ესპანელ განაპირა მცველს არსებული ხელშეკრულება 1 წლით გაუხანგრძლივოს.

დანის „ბლანკოსთან“ კონტრაქტი 2025 წლის 30 ივნისს უსრულდება, პერესი კი მზად არის, მოთამაშესთან 2026 წლის 30 ივნისამდე ითანამშრომლოს.

„მარკას“ ცნობით, კარვახალი ამ წინადადებას აუცილებლად მიიღებს და დეტალების შეთანხმება დროის საკითხი იქნება.