დიეგო სიმეონემ მადრიდის „რეალთან“ გამარჯვების შემდეგ პრესკონფერენცია გამართა, სადაც მეტოქე გუნდის ფეხბურთელებსაც შეეხო...

„თუ ანჩელოტის გუნდის დამარცხება გსურს, ძალიან ბევრი უნდა იმოძრაო და შენი ფეხბურთი შესთავაზო მეტოქეს. ამ საღამოს „ატლეტიკოს“ ყველა ფეხბურთელი მოწოდების სიმაღლეზე იდგა და შედეგიც სახეზეა. მიხარია, რომ „ლა კოპას“ მომდევნო ეტაპის საგზური მოვიპოვეთ.“

„შურისძიება? ეს არაფერშუაშია, ჩვენ უბრალოდ გვსურდა, „ბლანკოსის“ დამარცხება და სამეფო თასზე ბრძოლის გაგრძელება.“

„ვინისიუსი თავხედია, მის სიუზრდელეს ხშირად საზღვარი არ აქვს და ეს საქციელი ვერასდროს იქნება მოსაწონი. მესმის ფეხბურთი და ემოციები, რადგან მეც ძალიან ემოციური ადამიანი ვარ, მაგრამ ბრაზილიელის კარიერისთვის მსგავსი ქმედებები ვერანაირად ვერ იქნება შედეგის მომტანი.“

„ანჩელოტი? ის რა თქმა უნდა, დიდი პროფესიონალია და წარმატებებს ვუსურვებ. მატჩის შემდეგ ერთმანეთს გადავეხვიეთ და გავესაუბრეთ.“

„„ატლეტიკო“ ყველა ტურნირზე ბოლომდე იბრძოლებს, ჩვენ გვაქვს რესურსი, რომელიც სწორად უნდა გამოვიყენოთ.“