ფერლან მენდი კარლო ანჩელოტის ფავორიტია და იტალიელი სპეციალისტი ფეხბურთელთან კონტრაქტის გახანგრძლივებას ითხოვს.

მოქმედი ხელშეკრულების მიხედვით, ფერლანი „რეალში“ 2025 წლის 30 ივნისამდე უნდა დარჩეს, მაგრამ პერესი მის გაყიდვას 2024 წლის ზაფხულში აპირებს, რათა თანხა მიიღოს და საბოლოო ჯამში, 1 წელიწადში მენდის გაშვება უფასოდ არ მოუწიოს.

ამ ყველაფრის პარარელურად, ანჩელოტი მენდისთან ხელშეკრულების გახანგრძლივებას ითხოვს და აცხადებს, რომ ფრანგი გუნდს სჭირდება.

კარლიტო თანახმაა, გუნდმა მენდის თუნდაც 2 წლით გაუხანგრძლივოს და კოლექტივში 2027 წლის 30 ივნისამდე დატოვოს.

ზემოაღნიშნულ საკითხთან დაკავშირებით სამეფო კლუბში აზრთა აშკარა სხვადასხვაობაა.