ჩავი ერნანდესმა „რეალთან“ მარცხის შემდეგ პრესკონფერენცია გამართა, სადაც „ბლანკოსი“ სამართლიან ჩემპიონად გამოაცხადა...

„შეუძლებელია ვთქვა, რომ „რეალი“ სამართლიანი ჩემპიონი არ არის. მე მივედი კარლო ანჩელოტისთან, გამარჯვება მივულოცე და დავუფიქსირე, რომ მისმა გუნდმა შესანიშნავი შთაბეჭდილება დატოვა.“

„მომდევნო დღეები მარტივი არ იქნება, მაგრამ ჩვენ კრიტიკა უნდა მივიღოთ და ყველაფერი უკეთესობისკენ შევცვალოთ. კარგი გაკვეთილი იყო, რომელმაც მეტი მუხტი უნდა მოგვცეს.“

„პირველი წუთები კატასტროფული იყო, „რეალმა“ კი უპირატესობა მოიპოვა როგორც ანგარიშის, ასევე განწყობის კუთხით.“

„შეცდომები ფეხბურთის ნაწილია. ჩვენ აშკარად ბევრი ხარვეზი გვქონდა, მაგრამ ყველაფრის გამოსწორება შეიძლება.“