ნაჩო ფერნანდესმა ესპანეთის სუპერთასის მოგების შემდეგ ჟურნალისტებთან ისაუბრა...

„დიდ გამოწვევას ვუპასუხეთ და ესპანეთის სუპერთასის მფლობელები ვართ. ნახევარფინალში „ატლეტიკოს“, ხოლო ფინალში „ბარსელონას“ დამარცხება არცერთი გუნდისთვის არ არის მარტივი, მაგრამ შეუპოვარმა შრომამ, თავდადებამ და გამარჯვების რწმენამ სასურველი შედეგი მოგვიტანა.“

„დიახ, კაპიტნის რანგში პირველად ვიყავი და თასი აღვმართე. ვამაყობ, რომ მსოფლიოს საუკეთესო გუნდის კაპიტნის სამკლაურს ვფლობ.“

„დინამიკა შესანიშნავია და დარწმუნებული ვარ, წარმატებით დაწყებული წელი ასევე წარმატებული იქნება როგორც შუა, ასევე ბოლო ფაზაში. ჩვენ დიდი პერსპექტივა გვაქვს.“

„თამაში, რომელიც ვინისიუს ჟუნიორმა აჩვენა დასაფასებელია. ბრაზილიელმა ფეხბურთელმა უდიდესი წვლილი შეიტანა „ბარსელონას“ დამარცხებაში.“