ჩავი ერნანდესმა „რეალთან“ მატჩის წინ პრესკონფერენცია გამართა, სადაც მეტოქეზეც ბევრი ისაუბრა.

„მივიჩნევ, რომ კარლო ანჩელოტი მსოფლიოს ერთ-ერთი საუკეთესო მწვრთნელია, რომელმაც არაერთ ლიგაში დატოვა საკუთარი კვალი. ბევრი რამ ერთნაირი გვაქვს, თუმცა მეთოდები ერთმანეთისგან განსხვავდება. იტალიელს დიდ პატივს ვცემ და წარმატებებს ვუსურვებ.“

„პედრის ყოფნა მნიშვნელოვანია, ის 100%-ით მზად არის და „რეალის“ წინააღმდეგ თამაშს შეძლებს.“

„ვინისიუსის და არაუხოს დუელი? მერწმუნეთ, ჩემი ფეხბურთელი ყველა მხრიდან შეავიწროებს „ბლანკოსის“ შემტევებს. არ აქვს მნიშვნელობა, რა პოზიციაზე ითამაშებს ურუგვაელი.“

„ბელინგემი ერთ-ერთი საუკეთესო ფეხბურთელია, მას შეუძლია ფეხბურთის სამომავლო დღის წესრიგი შეცვალოს. ინგლისელის მონაცემები მართლაც ხაზგასასმელია.“

„ვეცდებით, ბურთი გავაკონტროლოთ და ჩვენი სტილით ვითამაშოთ. მეტოქე მრისხანეა, მაგრამ ჩვენ არაფერს შევცვლით.“