ბრაჰიმ დიასი:„„რეალისთვის“ გაცილებით მეტის გაკეთების საშუალება მაქვს“
ბრაჰიმ დიასმა „რეალის“ ოფიციალურ ვებ-გვერდს ინტერვიუ მისცა...
„ვიცი, რისი გაკეთება შემიძლია და დამერწმუნეთ, ეს არ არის ჩემი მაქსიმუმი. მსურს, რაც შეიძლება დიდი დრო გავატარო მოედანზე და გუნდისთვის საჭირო ფეხბურთელი გავხდე.“
„ყველაფერი კარგად მიდის. მწვრთნელი მენდო, რაც სათამაშო წუთებზეც აისახა. იმედი მაქვს, მთელი სეზონის განმავლობაში ასე იქნება.“
„ძალიან ადვილია ისეთ ფეხბურთელებთან თამაში, როგორებიც „რეალის“ რიგებში ირიცხებიან. ჩვენ ერთი ოჯახი ვართ, ვერ წარმოიდგენთ, რამდენად მნიშვნელოვანია მსგავსი ერთობა. გასახდელში შესვლა ყველას სიამოვნებს და დისკომფორტს არავინ გრძნობს.“
„მინდა აღვნიშნო ხოსელუ, რომელიც ბრწყინვალე ფეხბურთელია. ის „რეალში“ თამაშის შანსს წლების მანძილზე ელოდა, ახლა კი საყვარელ კლუბშია და უკვე 12 გოლის გატანა მოახერხა.“
„ფიზიკაზე ბევრს ვმუშაობ, რადგან ამის გარეშე წარმოუდგენელია. თანამედროვე ფეხბურთში ფიზიკურ მონაცემებს დიდი ყურადღება ეთმობა.“
„ტიტულების მოგება მსურს. „ბლანკოსში“ სწორედ ამ ოცნებით დავბრუნდი. მჯერა, რომ მადრიდული კარიერა ხანგრძლივი და დასამახსოვრებელი იქნება. მე ბოლომდე ვიბრძოლებ ესპანეთის სუპერთასისთვის.“
- 12 იანვარი 2024
- 585
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
