კარლო ანჩელოტიმ მადრიდული დერბის მოგების შემდეგ პრესკონფერენცია გამართა...

„სულ რაღაც 2 დღის წინ ორივე გუნდმა 6 საათი იფრინა და არნახული ენერგია დახარჯა იმისთვის, რომ ნახევარფინალში მოწოდების სიმაღლეზე მდგარიყო. ურთულესი მატჩი გამოვიდა, მაგრამ ბედნიერი ვარ, რომ გამარჯვებას მივაღწიეთ და ფინალში გავედით. დაპირისპირების ბოლოს სიმეონემ მითხრა, რომ ეს გახლდათ ბოლო წლების ყველაზე სანახაობრივი დერბი. არ შემიძლია მოსაზრებას არ დავეთანხმო.“

„გუნდი არასდროს ნებდება, სწორედ ეს არის „რეალის“ „დნმ“ და წარმატების საიდუმლო. ახალგაზრდები, რომლებიც აქ არიან დიდ გამოცდილებას და მაგალითს იღებენ.“

„მადრიდის „ატლეტიკომ“ საოცარი დონე აჩვენა. განსაკუთრებით აღსანიშნავია ანტუან გრიზმანი, ფრანგი ცალსახად კარგ ფორმაშია და გუნდს დიდ დახმარებას უწევს. ამ მატჩის მოგება ორივე გუნდს შეეძლო.“

„როდესაც კარვახალი მოედანზეა, მადრიდის „რეალს“ როგორც დაცვაში, ასევე შეტევაში დიდი ფუნქციების შესრულება შეუძლია. ესპანელს აქვს დიდი ხასიათი, ძალისხმევის გაღების უნარი და გამოცდილება. დანის გოლი უმნიშვნელოვანესი გახლდათ. ზოგადად საინტერესოა, რომ პირველი 3 გოლის გატანა მცველებმა მოახერხეს.“

„კროოსის მიმართ ხალხის დამოკიდებულებამ ცოტა გამაკვირვა. არ მესმის, რატომ ისმოდა სასტვენის ხმა.“

„ტონის მცირე პრობლემები ჰქონდა, სწორედ ამიტომ სასტარტოში მოდრიჩი დავაყანე.“

„მიხარია, რომ არდა გიულერს ქომაგები ოვაციებით შეხვდნენ, მასზე დიდი გათვლა კეთდება და დარწმუნებული ვარ, თურქი გაამართლებს.“