დიეგო სიმეონემ ესპანეთის სუპერთასის ნახევარფინალის წინ პრესკონფერენცია გამართა, სადაც მეტოქეზეც საკმაოდ ბევრი ისაუბრა...

„ლა ლიგა განსხვავებულია, ესპანეთის სუპერთასი კი მოკლე ტურნირი, სადაც თითოეულ წუთს მნიშვნელობა აქვს, სწორედ ამიტომ შეცდომა არ უნდა დავუშვათ და ყველაფერი ვიღონოთ ტურნირის მოსაგებად.“

„ჩვენ ვართ ერთადერთი გუნდი, რომელმაც „რეალის“ დამარცხება შეძლო. ვეცდებით, თამაში იმ სცენარით წარვმართოთ, როგორც სექტემბერში მოხდა. მე მაქვს შესაბამისი რესურსი და ვეცდები, მეტოქეს შანსი არ მივცე.“

„„ბლანკოსის“ მოთამაშეების გამოყოფა არ მსურს. ჩვენ გუნდს ვეთამაშებით და არა ინდივიდებს. გვჯერა საკუთარი შესაძლელობების და პატივს ვცემთ გუნდს, რომელსაც წელს შესანიშნავი სეზონი აქვს.“

„შემოთავაზებები საუდის არაბეთიდან? ჩემს ფეხბურთელებს „ატლეტიკოში“ თამაშის სურვილი აქვთ.“

„თანხების არათანაბარი განაწილება? ეს განსახილველი თემაა, მაგრამ ჩემს კომპტენეციას ცდება.“

„ეს არ არის „რეალის“ ბრალი, არც „ბარსელონასი“, თუმცა ტურნირში მონაწილე გუნდები ერთნაირი ბენეფიტებით უნდა სარგებლობდნენ.“

„ენთუზიაზმი არ იცვლება. როდესაც „რეალს“ ეთამაშები, განსაკუთრებული ყურადღება გჭირდება, რადგან ანჩელოტის განკარგულებაში ბევრი საშიში მოთამაშეა.“