ხოსე ფელიქს დიასის ცნობით, მადრიდის „რეალის“ ხელმძღვანელობამ მიუნხენის „ბაიერნთან“ მოლაპარაკებები დაიწყო...

„ალფონსო დეივისის მიმართ ინტერესი ძალიან დიდია. მას შემდეგ, რაც „ბაიერნმა“ კანადელი ფეხბურთელისგან ახალ კონტრაქტზე კიდევ ერთი უარი მიიღო, მადრიდის „რეალმა“ ოფიციალური მოლაპარაკებების წამოწყება გადაწყვიტა.“

„ფლორენტინო პერესს „რეკორდმაისტერთან“ შესანიშნავი ურთიერთობა აქვს, სწორედ ამიტომ, პირველ ეტაპზე სწორედ გუნდისგან კითხულობს დეივისის ამბებს და ფეხბურთელთან პირდაპირ მოლაპარაკებებს არცერთ ეტაპზე არ აწარმოებს.“

„დგება მომენტი, სადაც „ბაიერნი“ შესაძლოა იძულებული გახდეს დეივისი გაყიდოს, ვინაიდან მას წელიწადნახევარში კონტრაქტი ეწურება.“