ფედერიკო ვალვერდემ „ატლეტიკოსთან“ დაპირისპირების წინ პრესკონფერენცია გამართა...

„ბედნიერები ვართ, რომ სუპერთასზე მოვხვდით. ჩვენ ყველაფერს გავაკეთებთ ამ თასის მოსაპოვებლად, ბრწყინვალე შანსი გვაქვს, რომელიც აუცილებლად უნდა გამოვიყენოთ.“

„10, 20 და 30 მილიონი ვერ შემიცვლის იმ ბედნიერებას, რომელსაც მადრიდის „რეალში“ თამაში ჰქვია, სწორედ ამიტომ არსად წასვლას არ ვაპირებ. საუდის არაბეთის წინადადებები ჩემთვის საინტერესო არ ყოფილა.“

„ამ წელს ყველა ტიტულისთვის ბრძოლას ვგეგმავთ. ვიცით, რომ „ატლეტიკოს“ სახით ურთულესი ბარიერის გადალახვა მოგვიწევს, მაგრამ უნდა შევძლოთ.“

„მახსოვს ჩემი პირველი სუპერთასის ფინალი და ალვარო მორატას მომენტი.“

„შევიცვალე თუ არა პოზიცია? ვფიქრობ, რომ არა ვინაიდან სწორედ იქ ვთამაშობ, სადაც ბავშვობიდან ვთამაშობდი, როგორც მადრიდში, ასევე ურუგვაის ნაკრებში. მე მიყვარს შეტევაც.“

„მოედანზე გასვლა ძალიან მსიამოვნებს. არ ვიცი, ვარ თუ არა ფორმის პიკში, მაგრამ გუნდისთვის აბსოლუტურად ყველაფერს ვაკეთებ.“

„თუ საჭირო იქნება, მორატას წინააღმდეგ კიდევ დავარღვევ თამაშის წესებს. ჩემთვის უპირველესი გუნდური ინტერესია.“