მარსელო ვიეირა მადრიდში იმყოფება. ბრაზილიელი ლეგენდა მადრიდულ გრანდს საწვრთნელ ბაზაზე ეწვია და ესპანეთის სუპერთასის წინ წარმატებები უსურვა...

„დიდი ხანია მადრიდში არ ვყოფილვარ. ძალიან მენატრებოდა აქაურობა. მიხარია, რომ ესპანეთის დედაქალაქში ვიმყოფები და „რეალის“ საწვრთნელ ბაზას ვეწვიე.“

„იმედი მაქვს, ესპანეთის სუპერთასის გამარჯვებული „ბლანკოსი“ გახდება. ამ გუნდს ყველაფერი აქვს იმისთვის, რომ საუდის არაბეთში წარმატებას მიაღწიოს.“

„„რეალთან“ ერთად ესპანეთის სუპერთასი 5-ჯერ მაქვს მოგებული და ვიცი, რამხელა ემოციებიებთან არის დაკავშირებული ეს ჯილდო.“

„როდესაც „ფლუმინენსე“ ლიბერტადორესის ფინალში გავიდა, ანჩელოტიმ დამირეკა და მითხრა, რომ ჩემს გამო „ფლუმინენსეს“ უქომაგებდა. მე მას მაისური შევუნახე და აუცილებლად ვაჩუქებ.“

„ჯუდ ბელინგემი ჩემი შვილის კერპია და მასთან სურათის გადაღებაზე ოცნებობს. ის, რასაც ინგლისელი ფეხბურთელი „მერენგების“ რიგებში აკეთებს მართლაც წარმოუდგენელია.“

„ბრაზილიელ მადრიდისტებს წარმატებებს ვუსურვებ. მილიტაო, როდრიგო და ვინისიუს ჟუნიორი ამ კოლექტივისთვის დიდ ძალას ქმნიან. მათთან ხშირი კომუნიკაცია მაქვს.“