მადრიდის „რეალის“ ფეხბურთელებმა ესპანეთის სუპერთასისთვის მზადება დაიწყეს. ნახევარფინალურ ეტაპზე ანჩელოტის შეგირდები „ატლეტიკოს“ დაუპირისპირდებიან...

„არანდინასთან“ დაპირისპირებაში სასტარტო შემადგენლობაში მყოფმა ფეხბურთელებმა დღეს მხოლოდ აღდგენითი ვარჯიშები გააკეთეს, დანარჩენებმა კი სრულფასოვანი დატვირთვა მიიღეს.

სესია სატრენაჟორო დარბაზში დაიწყო, სადაც ფეხბურთელებმა დიდი ყურადღება დაუთმეს ფიზიკურ კონდიციებს, შემდეგ კი გუნდმა მწვანე მინდორზე გადაინაცვლა და ბურთთან ერთად შეასრულა დავალებები.

შეკრებაზე ყურადღება დაეთმო ბურთის ფლობის კომპონენტს, კონტრ-შეტევებს, პრესინგს, მოკლე სივრცეში ზუსტ და კომბინაციურ თამაშს, სტანდარტებს და კარში დარტყმებს.