კარლო ანჩელოტიმ „არანდინასთან“ დაპირისპირების წინ პრესკონფერენცია გამართა...

„ვინისიუს ჟუნიორის სწრაფი გამოჯანმრთელებმა მისმა ძალიან მაღალმა პროფესიონალიზმმა და სამედიცინო შტაბის სერიოზულმა ჩართულობამ განაპირობა. მნიშვნელოვანია, რომ ბრაზილიელი ფეხბურთელი გუნდთან ერთად არის და ჩვენი დახმარება შეუძლია.“

„არდა გიულერმა „არანდინასთან“ დაპირისპირება შესაძლოა სასტარტო შემადგენლობაში დაიწყოს, მისი დებიუტი აუცილებლად შედგება.“

„სამეფო თასის მოგება ყოველთვის დიდ სიხარულს უკავშირდება. მე „რეალთან“ ერთად ორჯერ გავხდი „ლა კოპას“ ჩემპიონი და ამ სეზონშიც იგივეს ვაპირებ.“

„გუნდი მოტივირებულია, მაქსიმალურად ცდილობს კონცენტრაციას და „არანდინასთან“ მატჩისთვის მოწოდების სიმაღლეზე დგომას. ჩვენთვის მომდევნო ეტაპზე გადასვლას დიდი მნიშვნელობა აქვს.“

„ბელინგემს საოცარი სეზონი აქვს, ენის ბარიერი ჟერ არ დაუძლევია, მაგრამ ძალიან მალე ეს პრობლემაც მოგვარდება.“

„გადახურულ ბერნაბეუზე გულშემატკივართა მხარდაჭერა კიდევ უფრო მხურვალეა, რაც ძალიან გვეხმარება.“

„დიეგო ლოპესის და კასილიასის კონკურენცია? ის მომენტი მახსოვს, მაგრამ ახლა ვთვლი, რომ განსხვავებული ვითარება გვაქვს. ხვალ კეპა არიზაბალაგას ვიხილავთ.“

„მე არ მჭირდება ფლორენტინო პერესის დამატებითი საჩუქრები. მისი ემოციები, პატივისცემა და სიყვარული ყველაზე მნიშვნელოვანია.“

„კამავინგა გუნდს უბრუნდება, ის ჩვენს განკარგულებაში იქნება, ხოლო ფერლან მენდი ესპანთის სუპერთასამადე ვერ დაგვეხმარება.“

„კროოსს მცირე დისკომფორტი ჰქონდა და „არანდინასთან“ დაპირისპირებას გამოტოვებს, საუდის არაბეთში კი გუნდის დახმარებას შეძლებს.“

„ნაჩეტე დაბრუნდა, ჩვენ ასევე გვაქვს კარილიოს ვარიანტიც.“

„იმედი მაქვს, სერხიო რამოსის კარიერის ფინიში შესანიშნავი იქნება. ესპანელის მიმართ ძალიან დიდი სიმპატია და სიყვარული მაქვს.“

„ეს არის ტურნირი, რომელიც ძალიან გვაინტერესებს, ამიტომ კონცენტრაციის ნაკლებობა არ გვექნება. „რეალს“ სურს „ლა კოპას“ მოგება, სწორედ ამიტომ ბოლომდე დავიხარჯებით. ცვლილებები აუცილებლად იქნება, მაგრამ მოედანზე კონკურენტუნარიან კოლექტივს გავიყვან.“

„კროოსი, ჩუამენი და ვინისიუსი „არანდინასთან“ არ ითამაშებენ, სხვები კი ჩვენს განკარგულებაში იქნებიან.“