დანიელ კარვახალმა „მალიორკას“ დამარცხების შემდეგ ჟურნალისტებთან ისაუბრა...

„საშობაო არდადაგების შემდეგ საკმაოდ რთული მატჩის ჩატარება მოგვიწია, მაგრამ მთავარი ის არის, რომ შედეგს მივაღწიეთ. დიახ, ჩვენ არასდროს ვნებდებით, ბოლომდე ბრძოლას კი პოზიტიური რეზულტატი მოაქვს.„

„„მალიორკამ“ დაცვითი ფეხბურთი ითამაშა. აგირეს გუნდი ტაქტიკურად კარგად იყო გამართული და ცდილობდა, რომ „რეალის“ არცერთი ფეხბურთელისთვის არ მიეცა გასაქანის საშუალება.“

„რუდიგერის გოლი გუნდურ ძალისხმევას უკავშირდებოდა. მიხარია, რომ ანტონიომ მეტოქის კარის აღება შეძლო.“

„პირველი წრე დასრულდა, ჩვენ კი 48 ქულა გვაქვს. ეს არის შესანიშნავი შედეგი და მჯერა, რომ ჩემპიონობის გზას ვადგავართ.“

„კარი კვლავ მშრალად შევინახეთ. 19-იდან 11 დაპირისპირებაში გოლი არ გაგვიშვია, ეს არის დიდი შრომის შედეგი და ბედნიერი ვარ, რომ მსგავსი მაჩვენებლები გვაქვს.“