იტალიური და ესპანური გამოცემების ცნობით, თუ მადრიდის „რეალი“ ლუკას ვასკესს კონტრაქტს არ გაუხანგრძლივებს, ესპანელი ფეხბურთელი იტალიის ჩემპიონატში გადაინაცვლებს.

ტურინის „იუვენტუსი“ ვასკესს 2 წლიან კონტრაქტს სთავაზობს. არსებული ცნობით, ვასკესმა ახლო წრეს უთხრა, რომ ეს საინტერესო წინადადებაა.

იმ შემთხვევაში, თუ ლუკასი ბერნაბეუზე ახალ კონტრაქტს მიიღებს, „იუვეს“ უარს ეტყვის, თუმცა თუ ანჩელოტი მას შეელევა, „ბებერი ქალბატონი“ იდეალური ვარიანტია.

ვასკესი ახლა მოლოდინის რეჟიმშია, საბოლოო პასუხი კი კარლო ანჩელოტიმ უნდა თქვას, რომელიც მარჯვენა გარემარბი მარჯვენა მცველად აქცია.