ჯუდ ბელინგემმა 2024 წლის პირველი ინტერვიუ ჩაწერა და განაცხადა, რომ ახალ წელს დიდი მიზნები აქვს.

„მადრიდში ახალ წელს პირველად შევხვდი და აღფრთოვანებული ვარ. ძალიან მიხარია, როდესაც ქუჩებში უამრავი ადამიანი დადის სამეფო კლუბის მაისურით, უკან კი ჩემი გვარი აწერიათ. ეს არის დიდი სიამაყე, რაც არასდროს დამავიწყდევა. 2024 წელს მადრიდულ გრანდთან ერთად დიდი მიზნების მიღწევა მაქვს ჩაფიქრებული და ზუსტად ვიცი, რომ ყველაფერი გამომივა, ვინაიდან ამ გუნდს უსაზღვრო შესაძლებლობები აქვს.“

„„რეალი“ ასოცირდება მნიშვნელოვან მომენტებთან, გამარჯვებებთან და ტიტულებთან. სწორედ ამიტომ ავირჩიე სამეფო კლუბი, სადაც უალტერნატივო ფეხბურთელები თამაშობენ. აქ ყველაფერი მიმზიდველია. მჯერა, რომ ბევრ ტიტულს მოვიგებთ, თანაც არაერთხელ.“

„მსოფლიოში ბევრი ძალიან კარგი მოთამაშე ასპარეზობს, მაგრამ „ბლანკოსში“ მოხვედრა რჩეულთა ხვედრია. გამიმართლა, რომ იმ ადამიანების სიაში ჩავეწერე, რომლებსაც ჰქონიათ შანსი ბერნაბეუზე გასულიყვნენ და სამეფო კლუბის ღირსება დაეცვათ. პრივილეგირებული ადამიანი ვარ, რადგან ხალხს ვუყვარვარ, ეს კი მოტივაციას მმატებს.“