მადრიდის „რეალს“ ენდრიკ ფელიპესთან დაკავშირებით საფიქრალი გაუჩნდა...

მოგეხსენებათ, ახალგაზრდა ბრაზილიელი 23 წლამდელთა ნაკრების ღირსებას ოლიმპიადაზე დაიცავს, რომელიც ივლისსა და აგვისტოში გაიმართება.

თუ ბრაზილიის ნაკრები ფინალში გასვლას შეძლებს, ენდრიკს გუნდთან ერთად ყოფნა 10 აგვისტომდე მოუწევს, რაც „რეალისთვის“ სრულიად მიუღებელია.

მადრიდში მიიჩნევენ, რომ ენდრიკმა პრე-სეზონი სრულფასოვნად უნდა გაიაროს, ვინაიდან სხვა შემთხვევაში, მას ადაპტაცია ძალიან გაუჭირდება.

ჯერ-ჯერობით საბოლოო გადაწყვეტილება უცნობია, თუმცა „ბლანკოსი“ ღიად აფიქსირებს, რომ ფელიპეს ოლიმპიადაზე თამაშს არ მიესალმება.