ნაჩო ფერნანდესი ყოველ წელს ამტკიცებს, რომ სამეფო კლუბისთვის ძალიან საჭირო ფეხბურთელია...

არაერთი სეზონის წინ ისმოდა სკეპტიკური განცხადებები ნაჩოს უშანსობის შესახებ და ასე შემდეგ, მაგრამ ფეხბურთელის დაუღალავი შრომა და უნივერსალობა ძალიან ბევრ რამეს ცვლის.

უნდა აღინიშნოს, რომ ნაჩეტე თამაშობს, როგორც დაცვის ცენტრში, ასევე ფლანგებზე. თუნდაც წლევანდელი ფორმაციის „რეალში“ ნაჩო მეოთხე არჩევანი იყო, მაგრამ ახლა ის რუდიგერთან ერთად თვეების მანძილზე იქნება სასტარტო შემადგენლობის უცვლელი წევრი.

ეჭვი არავის ეპარება, რომ ნაჩოს შედეგები მიმდინარე სეზონის ბოლოს შთამბეჭდავი იქნება. ამ ეტაპისთვის კაპიტანის ანგარიშზე ლა ლიგაში 11 მატჩი და 530 წუთი, ხოლო ჩემპიონთა ლიგაზე 6 დაპირისპირება და 481 წუთია.

საერთო ჯამში ნაჩეტეს მაჩვენებლმა უკვე გადააჭარბა 1000 წუთს, თუმცა მომდევნო თვეებში მაღალი ალბათობით გაცილებით მაღალ ნიშნულზე გავა.