სამეფო კლუბის ფეხბურთელებმა ლა ლიგის მომდევნო ტურისთვის მზადება დაასრულეს...

დასკვნით ვარჯიშზე დიდი ყურადღება დაეთმო პრესინგს, კარში დარტყმების კომპონენტს, ბურთის ფლობას და მოკლე სივრცეში ზუსტ თამაშს.

ვარჯიშზე ბოლომდე ვერ დაიტვირთა ხოსელუ, თუმცა ესპანელი ფორვარდი განაცხადში მოხვდება და „ალავესის“ წინააღმდეგ ხელმისაწვდომი იქნება.

რაც შეეხება დანაკლისს, დღეს ანჩელოტის განკარგულებაში არ იყვნენ ტიბო კურტუა, ედერ მილიტაო, დავიდ ალაბა, ფერლან მენდი, კამავინგა, ვინისიუს ჟუნიორი და არდა გიულერი.

შეგახსენებთ, „ალავესთან“ მატჩი 21 დეკემბერს, ესპანეთის დროით 21:30 საათზე (თბილისის დროით 22 დეკემბერი, 00:30 საათი) აიღებს სტარტს.