ფაბრიციო რომანომ მადრიდის „რეალის“ სატრანსფერო გეგმებთან დაკავშირებით კომენტარი გააკეთა...

„ფაქტია, „რეალის“ ხელმძღვანელობაში უთანხმოებაა. დირექტორთა საბჭოში მცველის შეძენის იდეას ძალიან დიდი მხარდაჭერა აქვს, თუმცა არსებობს მეორე მხარე, რომელიც მიიჩნევს, რომ გუნდი მილიტაოს უნდა დაელოდოს, მანამდე კი რუდიგერისა და ნაჩო ფერნანდესის დუეტზე გააკეთოს აქცენტი. იმ შემთხვევაში, თუ მილიტაოს დაბრუნდებამდე გუნდს ცენტრალური მცველი დასჭირდება, საქმეში ორელიან ჩუამენი ჩაერთვება.“

„იანვრის დასრულებამდე „ბლანკოსის“ გადაწყვეტილებების შესახებ ალბათ არავის ეცოდინება. ვფიქრობ, ფლორენტინო პერესი სიტუაციას კარგად გააანალიზებს, ამისთვის მას საჭიროზე მეტი დრო აქვს.“