კატალონიის „ბარსელონამ“ გიორგი მამარდაშვილის „ვალენსიასთან“ ვერაფერი გააწყო და ფრეს დასჯერდა...

ჩავი ერნანდესის გუნდმა მორიგი 2 ქულა დაკარგა, რაც მადრიდის „რეალს“ ბრწყინვალე შანსს აძლევს იმისა, რომ „ვილიარეალთან“ გაიმარჯვოს და ერთ-ერთ მთავარ კონკურენტთან სხვაობა მნიშვნელოვნად გაზარდოს.

თუ „რეალი“ მოიგებს, აქტივში 42 ქულა ექნება და კატალონიურ გრანდს 7 ქულით გაასწრებს, რომელსაც მე-17 ტურის შემდეგ 35 ქულა დაუგროვდა.

ასევე აღსანიშნავია „ატლეტიკოს“ მარცხი, რომელიც სიმეონეს გუნდმა „ბილბაოსთან“ განიცადა.

ყოველივე ზემოაღნიშნული ხაზს უსვამს გარემოებას, რომ „რეალმა“ „ვილიარეალის“ დამარცხება აუცილებლად უნდა შეძლოს. ეს არ იქნება რიგითი გამარჯვება. ამ 3 ქულას სატურნირო თვალსაზრისით უდიდესი მნიშვნელობა მიენიჭება.