„რეალის“ ფეხბურთელებმა ლა ლიგის მომდევნო ტურისთვის მზადება დაასრულეს.

ანჩელოტის კოლექტივი „ვილიარეალთან“ შესახვედრად მზად არის. შეგახსენებთ, ეს დაპირისპირება ხვალ, თბილისის დროით 23:55 საათზე გაიმართება.

თავდაპირველი გახურებისა და ფიზიკურ კონდიციებზე ზრუნვის შემდეგ გუნდმა დიდი აქცენტი გააკეთა მოკლე სივრცეში ზუსტ და კომბინაციურ თამაშზე, პრესინგზე, კარში დარტყმებსა და სტანდარტულებზე.

სასიხარულოა, რომ ორელიან ჩუამენიმ სამწვრთნელო შტაბის ყველა დავალება სრულფასოვნად შეასრულა.

არდა გიულერი, კამავინგა და ვინისიუს ჟუნიორი ინდივიდუალური პროგრამით ვარჯიშს განაგრძობენ.