იტალიური გამოცემების ცნობით, კარლო ანჩელოტის მსურველთა რიცხვი იზრდება.

ფაქტია, რომ „რეალის“ დამრიგებლის მიმართ ინტერესი დიდია. დროის გასვლასთან ერთად ფეხბურთის გამოცდილი სპეციალისტი სხვადასხვა შეთავაზებას იღებს.

ბრაზილიელთა წინადადება კვლავაც აქტუალურია, მაგრამ ეჭვი არავის ეპარება, რომ ყველაფერი სამხრეთ-ამერიკელთა ფეხბურთის ფედერაციის ახალ მენეჯმენტზე იქნება დამოკიდებული.

გარდა ამისა, 10 დღის წინ გავრცელდა ინფორმაცია, რომლის მიხედვითაც, იტალიელის მიმართ ინტერესს მანჩესტერ „იუნაიტედი“ და „ჩელსი“ გამოხატავენ, ახლა კი ასპარეზზე ტურინის „იუვენტუსიც“ გამოვიდა. კარლოს „ბებერი ქალბატონის“ მიმართ საკუთარი სიმპატიები ისედაც აქვს, ვინაიდან ამ კლუბის სადარაჯოზეც იდგა.

არსებული ცნობით, „იუვენტუსი“ სერიოზულ გაძლიერებას გეგმავს, სათავეში კი ახალი მწვრთნელის მოყვანა აქვს დაგეგმილი, მიზნებს კი არც მეტი არც ნაკლები ზიდანი, ანჩელოტი და სხვები წარმოდგენენ.