სამეფო კლუბის მთავარმა მწვრთნელმა, ჟოზე მოურინიო "As"-ის ჟურნალისტთან ისაუბრა და გუნდში მიმდინარე მოვლენები მიმოიხილა, პორტუგალიელი სპეიციალისტის თქმით მას ამბიციური გუნდი ჰყავს, რომელსაც ნებისმიერი ტიტულის მოგება შეუძლია...

"ეს არის მადრიდის რეალი და ამით ყველაფერია ნათქვამი, ჩვენ ძალიან ამბიციურები ვართ და შეგვწევს ძალა იმისა, რომ ტიტულები მოვიგოთ."

"როდესაც პორტოსა და ინტერში ვმუშაობდი იქაც საყაიმო ანგარიშით ვიწყებდი სეზონებს, მაგრამ შედეგი ყოველთვის ჩანდა. მილანის ინტერში პირველ სეზონში ორი ტიტული მოვიგე, მეორე სეზონში კი ამ ტიტულებს ჩემპიონთა თასიც მივამატეთ. ასე რომ ვთქვათ კარგად მაქვს დაცდილი სეზონის პირველი მატჩის ფრედ დასრულება. მთავარი პირველი თამაში არ არის მთავარი ისაა თუ რა შედეგს მივაღწევთ სეზონის ბოლო. ვგონებ, გუნდი იბრძოლებს ჩემპიონობისთვის."

"ძალიან რთულია ჩემ მდგომარეობაში ყოფნა, სულ რაღაც 10 ვარჯიში გავმართეთ მას შემდეგ რაც ყველანი ერთად ვართ. გუნდის სრულად შეკვრას ვერ ვახერხებ და ეს ძალიან ცუდია, საერთოდ ხანდახან არის სიტუაციები, როდესაც არ ვართ იდეალურ მდგომარეობაში, ამ დროს ყოველთვის უნდა ვიზრუნოთ მყარ დაცვაზე, რადგან მყარი დაცვის შექმნა უფრო ადვილია ვიდრე წინა ხაზის. მალიორკასთან გუნდის დაცვამ ძალიან კარგად ითამაშა, მაგრამ წინა ხაზელთა მოქმედება არ მომწონებია."

"ჩვენ მალიორკასთან რამდენიმე ძალიან კარგი მომენტი გვგქონდა, მაგრამ გატანა ვერ მოვახერხეთ, ჩვენი გუნდი ჩამოყალიბების პროცესშია და ამდენი მომენტის შექმნაც ბევრს ნიშნავს, მაგრამ დასკვნით ფაზაში მართლაც არის პრობლემები."

"გერმანელი ახალწვეულები გუნდისთვის ბევრს წარმოადგენენ და ისინი აუცილებლად გაივლიან დროულ ადაპტირებას, რაც შეეხება ლასანას, იგი მართლაც შრომისუნარიანი მოთამაშეა და ძალიან გამოადგება სამეფო კლუბს."

"ჩემმა ფეხბურთელებმა ყოველთვის უნდა იცოდნენ, რომ ყველაფრისთვის ბრძოლა მოუწევთ, რადგან ისინი მადრიდის რეალში ირიცხებიან და მათთვის ეს დიდი პატივია."