ესპანური გამოცემების ცნობით, ენდრიკ ფელიპემ და კილიან მბაპემ მადრიდის „რეალში“ ახალი ეპოქა უნდა შექმნას...

ესპანეთის დედაქალაქში ორივე ფეხბურთელზე უდიდეს იმედს ამყარებენ. ენდრიკი ზაფხულში „რეალთან“ ერთად დაიწყებს ვარჯიშს, მბაპეს გამადრიდელების შანსი კი რა თქმა უნდა ძალიან მაღალია, ვინაიდან მას „პსჟ“_სთან კონტრაქტი ეწურება.

მადრიდელი ექსპერტების აზრით, ჯუდ ბელინგემის პოზიციები არ შეირყევა, ხოლო თუ გუნდში კარლო ანჩელოტი დარჩება, 4-4-2 სქემაც ძალაში იქნება.

პირველ ეტაპზე ეჭვი არავის ეპარება რომ „რეალის“ შეტევას ვინისიუსი და მბაპე გაამაგრებენ, როდრიგო კი პირველი სათადარიგო მოთამაშე იქნება, ხოლო ენდრიკის პროგრესის პირობებში არავინ იცის რა მოხდება.

ბრაზილიელ შემტევს საოცარი პრესა აქვს, მას მსოფლიოს კაშკაშა ვარსკვლავები საოცარი სიტყვებით ამკობენ და ფაქტია, რომ უდიდეს პერსპექტივას ფლობს.