„ას“-ის ინფორმაციით, ალფონსო დეივისის გეგმა მადრიდის „რეალში“ თამაშია და ის სხვა წინადადებებს არ განიხილავს...

კანადელი ფეხბურთელის უპირველესი მიზანი სანტიაგო ბერნაბეუზე გადაბარგება, მას არ აინტერესებს არც სხვა ევროპული კლუბების და არც საუდის არაბეთის შემოთავაზებები.

გარდა ამისა, ალფონსომ დაბლოკა „ბაიერნის“ წინადადებაც, სადაც სახელფასო პირობები მნიშვნელოვნად იყო გაუმჯობესებული.

თუ კანადელი მადრიდისტა გახდება, ფლორენტინო პერესი 6 წლიან კონტრაქტს გაუფორმებს, რაც მის ესპანეთში დარჩენას 2030 წლის 30 ივნისამდე გაითვალისწინებს.