ბრიტანული გამოცემების ცნობით, თუკი იარსებებს თუნდაც 5 %-იანი შანსი, ფლორენტინო პერესი ერლინგ ჰოლანდის დამატებისთვის იბრძოლებს...

ნორვეგიელი ფეხბურთელი „ბლანკოსის“ რადარიდან არ წაშლილა. შანსის არსებობის შემთხვევაში ერლინგის სანაცვლოდ გუნდი 200 მილიონსაც გადაიხდის.

დიახ, ტოპ პრიორიტეტი მბაპეა, თუმცა ფლორენტინო პერესი კილიანისა და ერლინგის დუეტზეც არ იტყვის უარს.

გამომდინარე იქედან, რომ ჰოლანდსა და „სიტის“ შორის ახალ კონტრაქტზე შეთანხმება ჯერ-ჯერობით ვერ შედგა, „რეალი“ სიტუაციას აქტიურად აკვირდება. სულ რაღაც 6 თვეში ამოქმედდება პუნქტი, რომლის მიხედვითაც, თუ ჰოლანდი „ეტიჰადის“ დატოვებას ისურვებს და მსურველი კლუბი 200 მილიონს გადაიხდის, ტრანსფერი შესაძლებელი ხდება.