დანიელ კარვახალი მადრიდის „რეალს“ ძალიან მნიშვნელოვან დაპირისპირებებში გამოაკლდა. „მერენგები“ დეკემბერში საკმაოდ ძლიერ მეტოქეებს შეხვდებიან, სადაც გამარჯვებას უდიდესი მნიშვნელობა აქვს...

როგორც ჩანს, ლუკას ვასკესს დიდი პასუხისმგელობის აღება მოუწევს, ვინაიდან კარლო ანჩელოტი დანის შემცვლელად სწორედ მას განიხილავს. მეორე ვარიანტი კი ნაჩო ფერნანდესია, რომელსაც დაცვის ხაზის ნებისმიერ წერტილში შეუძლია თამაში.

მესამე ვარიანტად კასტილიელი ვინისიუს ტობიასი განიხილება და მაღალი ალბათობით თამაშის საშუალება მასაც მიეცემა, თუმცა ეს არავითარ შემთხვევაში არ მოხდება „ბეტისთან“ და „ვილიარეალთან“ შეხვედრებში.