ლენი იორო სამეფო კლუბის რადარზეა. „ლილის“ 18 წლის მცველის დამატება „ბლანკოსის“ გარდა „სიტის“, „მილანს“, „არსენალს“ და სხვა გუნდებს სურთ, სწორედ ამიტომ „რეალის“ პრეზიდენტი ჩქარობს.

არსებული ინფორმაციით, იოროსთან დაკავშირებით „მერენგები“ იანვრის თვეში ქმედით ნაბიჯებს გადადგამენ, მაგრამ თუ შეთანხმება შედგება, 2024 წლის ზაფხულში ნაჩო ფერნანდესის სიტუაცია გართულდება.

5 ცენტრალური მცველი „ბლანკოსში“ მეტისმეტი იქნება, იოროს კი სათამაშო დრო სჭირდება იმისთვის, რომ განვითარდეს.

არსებული ინფორმაციით, თუ ლენის ტრანსფერი შედგება, „მერენგების“ დაცვის ცენტრს მომდევნო სეზონში ალაბა, რუდიგერი, მილიტაო და იორო დააკომპლექტებენ, ნაჩო კი წავა.

თავის მხრივ, ფერნანდესმა „რეალისადმი“ ერთგულება არაერთხელ გამოიჩინა, სწორედ ამიტომ, მისი გაშვება დიდ სირთულეებთან იქნება დაკავშირებული.