დანიელ კარვახალმა „გრანადასთან“ დაპირისპირების დამთავრება ვერ შეძლო, პირველი ტაიმის შემდეგ კარლო ანჩელოტიმ ის ლუკას ვასკესით ჩაანაცვლა.

არსებული ინფორმაციით, სერიოზული არაფერია, თუმცა ესპანელს აუცილებლად სჭირდება სამედიცინო შემოწმება, რომელსაც დღეს გაივლის.

ხვალ „რეალი“ ვარჯიშს განაახლებს, დღეს კი სამწვრთნელო შტაბს განაპირა მცველთან დაკავშირებით დეტალური ინფორმაცია ექნება.

დანი თავს კარგად გრძნობს და დისკომფორტი არ აწუხებს, დანარჩენს კი ტესტირების შედეგები იტყვის.