გერმანული გამოცემების ცნობით, მიუნხენის „ბაიერნმა“ პოზიციების დათმობა დაიწყო. „რეკორდმაისტერი“ მზად არის, ალფონსო დეივისი ბერნაბეუზე გაუშვას, თუ „რეალის“ ვარსკვლავი „ალიანც არენაზე“ ითამაშებს.

რაც არ უნდა გასაკვირი იყოს, მიუნხენური გიგანტი ფედერიკო ვალვერდეს უმიზნებს და მზად არის, „რეალს“ დეივისთან ერთად დამატებით თანხაც გადაუხადოს.

ესპანური გამოცემების ცნობით, „ბლანკოსი“ ვალვერდეს არ დათმობს და ამაში ეჭვი არავის ეპარება. ჯერ კიდევ გასულ ზაფხულს, ფლორენტინო პერესმა საუდის არაბეთიდან მომდინარე 180 მილიონიანი წინადადება დაბლოკა.

ვალვერდე ხელშეუხებელია და ამ მხრივ მადრიდისტებს არანაირი შიში არ აქვთ.

„ბაიერნი“ კი მოთხოვნების წაყენებას განაგრძობს, თუმცა ისიც ფაქტია, რომ ალფონსონ ახალ კონტრაქტს ხელს არ აწერს, რაც გერმანელთა პოზიციების შესუსტებას ეტაპობრივად განაპირობებს.