კარლო ანჩელოტი ხვდება, რომ „ბეტისთან“ და „ვილიარეალთან“ გამარჯვება, მადრიდის „რეალს“ საჩემპიონო ორთაბრძოლაში მნიშვნელოვნად დააწინაურებს, სწორედ ამიტომ ხვალიდან გუნდი განსაკუთრებულად მოემზადება...

წინ დიდი გამოწვევაა. „ბეტისის“ დამარცხება მისსავე მოედანზე, თანაც უდიდესი დანაკლისის ფონზე მარტივი არ იქნება, სწორედ ამიტომ, კარლიტომ იდელაური გამოსავალი უნდა იპოვოს.

ბოლო წლებში „მერენგებს“ „ბეტისთან“ კარგი შედეგები არ აქვს, იგივეს თქმა შეიძლება „ვილიარეალზეც“, რომელმაც სამეფო კლუბს არაერთხელ დააკარგინა ქულები.

ახლა „რეალი“ ლა ლიგის ლიდერია, მაგრამ წაბორძიკება არ ეპატიება, ვინაიდან მეორეადგილოსან „ჟირონას“ ქულების ანალოგიური რაოდენობა აქვს, „ბარსელონას“ ლიდერთან ჩამორჩენა კი 4 ქულიანია.

9 დეკემბრის მატჩისთვის „ბლანკოსს“ განსაკუთრებული კონცენტრაცია ექნება. ანჩელოტი იდეალური თერთმეტეულის დაკომპლექტებაზე იზრუნებს და ეცდება, რომ „ბენიტო ვილამარინიდან“ აუცილებელი 3 ქულა წამოიღოს.