ანჩელოტი:„მთავარი კოლექტიური პასუხისმგებლობაა“
კარლო ანჩელოტიმ „გრანადასთან“ მატჩის შემდეგ პრესკონფერენცია გამართა.
„დანიელ კარვახალს სერიოზული არაფერი სჭირს, ეს ალბათ უბრალოდ გადატვირთვაა. შეფასება ხვალ აუცილებლად გაკეთდება, თუმცა წინასწარი მონაცემით, სერიოზული არაფერი უნდა იყოს. დანის მეორე ტაიმში მოედანზე გასვლა რისკს შეიცავდა, სწორედ ამიტომ ლუკას ვასკესი დავაყენე.“
„ბრაჰიმ დიასი ხარისხს აჩვენებს, ის ყველა პოზიციაზე ძალიან სახიფათოა. უნივერსალობა და მრავალფეროვნება დიასს უფრო მოთხოვნად ფეხბურთელს ხდის.“
„ვალვერდე ძალიან ბევრ პოზიციაზე თამაშობს. სიმართლე გითხრათ, არ არსებობს ადგილი, სადაც ურუგვაელს საუკეთესო თვისებების გამოვლენა არ შეუძლია.“
„„ატლეტიკოსა“ და „ბარსელონას“ დაპირისპირება რა თქმა უნდა, საინტერესო იქნება. ამ მატჩით სიამოვნების მიღებას ვაპირებ. ვნახოთ, რა შედეგი დაფიქსირდება ტაბლოზე და რა შეიცვლება სატურნირო ცხრილში. თუ „ბარსელონა“ მოიგებს, სიმეონეს გუნდთან ჩვენი სხვაობა გაიზრდება.“
„კროოსი საოცარია, ის ყოველთვის რაციონალურ გადაწყვეტილებას იღებს. გერმანელი იდეალურად მანევრირებს და გუნდისთვის დიდი სარგებელი მოაქვს.“
„როდრიგო სასურველ დონეს დაუბრუნდა. ბრაზილიელი მოედანს უგოლოდ აღარ ტოვებს. სამხრეთ-ამერიკელი შემტევი ეფექტური იყო შეტევის როგორც მარცხენა, ასევე მარჯვენა ფლანგიდან.“
„ჩემთვის მნიშვნელოვანია კოლექტიური ვალდებულებების სრულფასოვანი შესრულება. კონკრეტული დავალებები გოლების გატანასთან დაკავშირებით არავის აქვს.“
„მოდრიჩი „ბეტისთან“ დაბრუნდება, მისი აღდგენითი პროცესი დასასრულს უახლოვდება, კეპა კი სათამაშოდ უკვე მზად არის.“
„ბერნაბეუზე შეკრებილი პუბლიკა ჩემს მიმართ დიდ სიყვარულს გამოხატავს, ამისთვის მადლობა ყველას.“
- 3 დეკემბერი 2023
- 5 886
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
