ესპანური გამოცემების ცნობით, მადრიდის „რეალი“ 2 გეგმას ამუშავებს.

იანვარში ფლორენტინო პერესი ყველაფერს გააკეთებს იმისთვის, რომ ფრანგის ტრანსფერი დახუროს, თუმცა არსებულ რისკებსაც ითვალისწინებს.

თუ მბაპესთან შეთანხმება ვერ მოხერხდება, ზაფხულისთვის მეორე გეგმაც იარსებებს. მთავარი ის არის, რომ თუ კილიანი მადრიდისტა არ გახდება, გუნდი რამდენიმე მიმართულებით ეცდება გაძლიერებას, ხოლო თუ ფრანგი ბერნაბეუზე ითამაშებს, შეიცვლება სატრანსფერო პოლიტიკაც და მიდგომებიც.

მადრიდში მიიჩნევენ, რომ 4-4-2 სქემის პირობებში, წინ ვინისიუსი და მბაპე საოცარ დუეტს შექმნიან, ჯუდ ბელინგემს კი განსაკუთრებული თავისუფლება მიეცემა.

„მარკას“ ინფორმაციით, კარლო ანჩელოტისა და ფლორენტინო პერესს შორის ამ საკითხზე დიდი მსჯელობაა.