მადრიდის „რეალის“ ფეხბურთელებმა ლა ლიგის მე-15 ტურისთვის მზადება დაასრულეს...

გუნდმა „გრანადასთვის“ მზადება დაასრულა. აღსანიშნავია, რომ სრულფასოვანი დატვირთვა მიიღო კეპა არიზაბალაგამ და მაღალი ალბათობით, ესპანელი მეკარე განაცხადში მოხვდება.

ინდივიდუალური პროგრამით, თუმცა მწვანე მინდორზე ვარჯიშობს ორელიან ჩუამენიც, ის აღდგენითი პროცესის შუა ეტაპს უკვე გასცდა.

ვარჯიშზე დიდი ყურადღება დაეთმო ბურთის ფლობის კომპონენტს, მოკლე სივრცეში ზუსტ თამაშს, ტაქტიკურ მონახაზებს და კარში დარტყმებს.

ჯუდ ბელინგემმა სრულფასოვნად ვერ ივარჯიშა და სესიის ნაწილი ინდივიდუალურად ჩაატარა.

შეგახსენებთ, „რეალისა“ და „გრანადას“ შეხვედრა ხვალ, თბილისის დროით 21:30 საათზე დაიწყება.