RMC SPORT-ის ინფორმაციით, ზინედინ ზიდანი ფლორენტინო პერესის საბოლოო გადაწყვეტილებას ელოდება და „რეალში“ დაბრუნებაზე თანახმაა, მაგრამ თუ სამეფო კლუბი სხვაგვარ გადაწყვეტილებას მიიღებს, ფრანგი ლეგენდა კარიერას იტალიის სერია „ა“-ში განაგრძობს...

ტურინის „იუვენტუსი“ ზაფხულში მთავარ მწვრთნელს შეცვლის და რამდენიმე მნიშვნელოვანი ტრანსფერის განხორციელებასაც ეცდება, გუნდის მესაჭე კი ზინედინ ზიდანი გახდება.

„ბებერი ქალბატონის“ ხელმძღვანელობა ხვდება, რომ გაძლიერების გარეშე ფონსგასვლა წარმოუდგენელია, სწორედ ამიტომ აქტიური ნაბიჯების გადადგმას გეგმავს.

ზიზუმ იტალიურ მხარეს დრო თხოვა, დანარჩენი კი „რეალზე“ იქნება დამოკიდებული. თუ არა „ბლანკოსი“, მაშინ „იუვენტუსი“, ზიზუ დიდხნიანი პაუზის შემდეგ სამწვრთნელო საქმიანობას უბრუნდება.