როდრიგო გოეშმა „კადისთან“ გამარჯვების შემდეგ ჟურნალისტებთან ისაუბრა...

„ამ საღამომ დიდი ბედნიერება მომანიჭა, 2 გოლი გავიტანე და 1 საგოლე გადაცემა გავაკეთე. მეტი რა უნდა მიხაროდეს? მართლაც საოცარ განწყობაზე ვარ. გუნდმა აქტივში 3 ქულა ჩაიწერა და წინსვლას განაგრძობს.“

„ორი შესანიშნავი გოლი გავიტანე. პირველ მომენტში ნაკლები სივრცე მქონდა, მაგრამ თავი გავითავისუფლე, მეორეში კი ყველაფერი კონტრ-შეტევას მოჰყვა.“

„იმედი მაქვს, ასე გავაგრძელებ და მომდევნო მატჩებშიც შევძლებ გოლების გატანას.“

„მოედანზე გასვლა ჩემთვის სიურპრიზი იყო, რადგან მუხლზე მცირე დისკომფორტი მქონდა, ასევე მაწუხებდა კბილი, თუმცა ბრაჰიმ დიასის შეუძლოდ გახდომამ ყველაფერი შეცვალა.“