მადრიდის „ატლეტიკო“ მართლაც საოცარ ფორმაშია, რაც ლა ლიგის ცხრილშიც არის ასახული. „როხიბლანკომ“ კიდევ ერთი დაპირისპირება მოიგო და მესამეზე პოზიციაზე გადაინაცვლა...

„ბარსელონას“ და დიეგო სიმეონეს გუნდს 31-31 ქულა აქვთ, მაგრამ მადრიდულ კოლექტივს 1 მატჩით ნაკლები აქვს ჩატარებული და პოტენციურად 34 ქულის ფლობა შეუძლია.

„რეალისა“ და „კადისის“ დაპირისპირებას ამ მხრივაც ძალიან დიდი მნიშვნელობა აქვს, ვინაიდან ანჩელოტის გუნდი გამარჯვების შემთხვევაში 35 ქულას მოაგროვებს და პოზიციებს გაიმყარებს.

ამ წუთისთვის პირველ ადგილს „ჟირონა“ იკავებს, მეორეს „რეალი“, მესამეს „ატლეტიკო“, ხოლო მეოთხეზე „ბარსელონაა“ ჩამოქვეითებული, რომელმაც გუშინ „რაიო ვალეკანო“ ვერ დაამარცხა.