„ას“-ის ინფორმაციით, კარლო ანჩელოტი ანდრეი ლუნინს დაპირდა, რომ სამეფო თასზე გუნდის მთავარი მეკარე სწორედ ის იქნება.

ანდრეი მადრიდული ცხოვრებით უკმაყოფილოა, კეპა არიზაბალაგას ტრანსფერმა მისი იმედები გააცრუა, თუმცა ფაქტია, რომ როდესაც ის მოედანზე ჩანს საკმაოდ სტაბილურია.

უკრაინელი კარის დარაჯი „რეალის“ სასტარტოში იქნება „კადისთან“ მატჩში და დიდი ალბათობით „ნაპოლისთან“ ჩემპიონთა ლიგაზე, შემდეგ კი „ბლანკოსის“ კარის უსაფრთხოებაზე ზრუნვა კვლავ კეპას მოუწევს, რადგან მისი აღდგენითი პროცესი დასასრულს მიუახლოვდა.

კარლო ლუნინს დაპირებას აძლევს, რომელიც აუცილებლად შესრულდება. გარდა ამისა, იტალიელმა სპეციალისტმა ანდრეის უთხრა, რომ საქმეში ლა ლიგის რამდენიმე დაპირისპირებაშიც ჩართავს და სეზონის ბოლოს მის აქტივში მინიმუმ 12 დაპირისპირება იქნება.