„რეალის“ ფეხბურთელები ლა ლიგის მე-14 ტურისთვის მზადებას განაგრძობენ. გუნდი თითქმის მთლიანად შეივსო და სრულფასოვნად იტვირთება...

მიუხედავად იმისა, რომ ანჩელოტიმ მოდრიჩს, რუდიგერს და ალაბას დასვენების საშუალება მისცა, სამივე ფეხბურთელი ბაზაზე გამოცხადდა და ივარჯიშა, ხვალ კი კოლექტივთან ერთად როდრიგო და ფედერიკო ვალვერდეც იქნებიან.

სესიაზე დიდი ყურადღება დაეთმო ბურთის ფლობის კომპონენტს, კარში დარტყმებს, სტანდარტებს, მოკლე სივრცეში ზუსტ თამაშს და ფიზიკურ კონდიციებს.

ჯუდ ბელინგემმა ვარჯიშის ნაწილი გუნდთან ერთად ჩაატარა, ანალოგიურ სიტუაციაშია დანი სებალიოსიც.

სხვა ტრავმირებული ფეხბურთელები აღდგენით პროცესს განაგრძობენ.

შეგახსენებთ, „რეალი“ „კადისს“ კვირას, 26 ნოემბერს, თბილისის დროით 21:30 საათზე ესტუმრება.