მადრიდის „რეალის“ ფეხბურთელებმა კვირის მეორე ვარჯიში წარმატებით დაასრულეს. აღსანიშნავია, რომ გუნდს დანიელ კარვახალი შეუერთდა, რომელმაც გუშინ დაისვენა და სესიები დღეს განაახლა...

ვარჯიში ფიზიკურ კონდიციებზე ზრუნვით დაიწყო, შემდეგ კი მოთამაშეებმა დიდი ყურადღება დაუთმეს ბურთის ფლობის კომპონენტს, პრესინგს, სტანდარტულებს და მოკლე სივრცეში ზუსტ თამაშს.

ჯუდ ბელინგემმა ნახევარი სესია გუნდთან ერთად გაატარა, თუმცა მას მაინც ინდივიდუალური პროგრამა აქვს და ჯერ არავინ იცის, შეძლებს თუ არა კადისელთა წინააღმდეგ ასპარეზობას.

ხვალიდან „რეალის“ ყველა ფეხბურთელი ბაზაზე იქნება და „კადისისთვის“ მზადება ინტენსიურ რეჟიმში გადავა.