ესპანური გამოცემების ცნობით, „პსჟ“-ს ხელმძღვანელობა მოხიბლულია სანტიაგო ბერნაბეუს რეკონსტრუქციის პროექტით და აღნიშნულის გამეორებას გეგმავს...

როგორც ჩანს, ნასერი მიხვდა, რომ ფლორენტინო პერესმა მილიარდიანი დანახარჯით კიდევ უფრო დიდი თანხების გამომუშავებას დაუმიზნა. ბერნაბეუ ხდება მსოფლიო ტურისტული მიზიდულობის ახალი ცენტრი უამრავი კონცერტით, საკალათბურთო და საჩოგბურთო მატჩებით და ასე შემდეგ.

არსებული ინფორმაციით, ნასერს შესაბამისი დავალება უკვე გაცემული აქვს და სურს, რომ ბერნაბეუს კონკურენცია გაუწიოს, ეს კი „რეალის“ უდიდეს გეგმებში ნამდვილად არ უნდა შედიოდეს.

ჯერ-ჯერობით დაუდასტურებელი ინფორმაციით, ალ ჰელაიფი ახალ პროექტზე 1 მილიარდზე მეტს დახარჯავს და პარიზში საოცარ არენას შექმნის.