იტალიური გამოცემების ცნობით, მადრიდის „რეალი“ და „ინტერი“ სატრანსფერო შეთანხმებასთან ახლოს არიან...

სიმონე ინძაგის „რეალის“ ფეხბურთელი სურს. საუბარია რეინიერ ჟესუსზე, რომელიც ახლა იჯარის წესით „ფროსინონეში“ თამაშობს და საკმაოდ კარგ შთაბეჭდილებას ტოვებს.

რეინიერმა სამეფო კლუბში ადგილი ვერ იპოვა და უკვე რამდენიმე წელია სხვადასხვა კლუბში იჯარით თამაშობს.

ინძაგი თვლის, რომ ბრაზილიელი ნახევარმცველი იდეალურად მოერგება იტალიური კლუბის სათამაშო კონცეფციას, სწორედ ამიტომ მოლაპარაკებები უნდა შედგეს.

თავის მხრივ, „ბლანკოსს“ ტრანსფერის საწინააღმდეგო არაფერი აქვს, სწორედ ამიტომ შეთანხმების ალბათობა ძალიან მაღალია.