ხოსელუ მატომ სამომავლო გეგმებზე ისაუბრა...

„ჩემი აქ ყოფნა დიდი ბედნიერებაა. მადრიდის „რეალი“ არის ოცნების კლუბი. არაერთი წელი დამჭირდა იმისთვის, რომ დიდი გზა გამევლო და „რეალში“ დავბრუნებულიყავი.“

„კარვახალი? ჩვენ ფაქტობრივად ყოველდღე ერთად ვართ და ძალიან კარგი ურთიერთობა გვაქვს. მივიჩნევ, რომ დანი მსოფლიოს ერთ-ერთი საუკეთესო ფეხბურთელია და საკუთარ პოზიციაზე ლიდერის სტატუსს წლების მანძილზე არ თმობს.“

„ჩემი ნება რომ იყოს კარიერას „რეალში“ დავასრულებდი, მაგრამ მომავლის შესახებ კლუბს უნდა ჰკითხოთ და არა მე. მზად ვარ, ნებისმიერი ტიპის კონტრაქტს მოვაწერო ხელი. ფეხბურთელისთვის, რომელმაც ახალგაზრდულ გუნდებში ითამაშა, „რეალის“ მთავარ გუნდზე კარგი ადგილი არ არსებობს.“

„მბაპეს ტრანსფერი? მე არ ვერევი გუნდის სატრანსფერო პოლიტიკაში, თუმცა ნამდვილად არ მივიჩნევ, რომ კილიანის „ბლანკოსში“ გადმოსვლა ჩემს ამოცანას გაართულებს, მე მაქვს ჩემი ფუნქცია და მზად ვარ, გუნდს ნებისმიერ მომენტში დავეხმარო.“

„რამდენი გოლის გატანას ვგეგმავ? რაც შეიძლება მეტის. როდესაც მოედანზე ვარ, ყოველთვის ვცდილობ, მეტოქის კარის აღებას და გუნდის დახმარებას.“