ესპანური გამოცემების ცნობით, მადრიდის „რეალი“ ნაჩო ფერნანდესთან კონტრაქტის გახანგრძლივების საკითხს კვლავ განიხილავს...

შარშან მხარეები 1 წლიან ხელშეკრულებაზე შეჯერდნენ, რომელსაც ვადა 2024 წლის 30 ივნისს ეწურება, ახალი კონტრაქტით კი ეს ვადა 2025 წლის 30 ივნისამდე გახანგრძლივდება.

მადრიდში მიიჩნევენ, რომ კაპიტანს შრომა უნდა დაუფასონ და ნაჩეტე დამატებით 1 წელს იმსახურებს.

ნაჩო 33 წლის არის და 34-ის 18 იანვარს ხდება, რაც იმას ნიშნავს, რომ ახალი კონტრაქტის დასრულების შემდეგ მისი ასაკი 35 წელი და 6 თვე იქნება, ამ ასაკში კი „ბლანკოსის“ დატოვება ნამდვილად მოუწევს.

არსებული ცნობით, მხარეები კონტრაქტის დეტალებს არ შეცვლიან, ხელშეკრულებას კი ხელი ზაფხულში მოეწერება.