დიეგო სიმეონეს „ატლეტიკოსთან“ ერთად დიდი გეგმები აქვს და მიიჩნევს, რომ ამ სეზონში ლა ლიგის მოგება შეუძლია...

„„რეალი“ და „ბარსელონა“ არ მომწონს. ნამდვილად არ მივიჩნევ, რომ ამ გუნდებს წელს საუკეთესო ვერსიის წარმოდგენა შეუძლიათ.“

„დიახ, სტაბილური მატჩებისა და ქულების მხრივ პრობლემა არცერთ კოლექტივს არ აქვს, მაგრამ ეს არ არის ის დონე, რასაც ხალხი აქამდე უყურებდა.“

„ჩვენ არნახული პროგრესი ვაჩვენეთ და შესანიშნავ კონდიციაში ვიმყოფებით. „ატლეტიკოს“ ყველა ფეხბურთელის მიზანი ლა ლიგაში პირველ ადგილზე გადასვლაა, სწორედ ამიტომ სანაკრებო შესვენების შემდეგ ძალიან ბევრ მუშაობას და ყველა მატჩის მოგებას ვგეგმავთ.“

„ბელინგემი ბევრ გოლს იტანს, მაგრამ ეჭვი არ მეპარება, რომ სეზონის ბოლოს „პიჩიჩის“ ჯილდოს გრიზმანი მიიღებს. ჯუდი არ არის ფორვარდი და მთელი სეზონის მანძილზე მოწოდების სიმაღლეზე ვერ იდგება.“

„აქ დარჩენის გადაწყვეტილებაზე ბევრი არ მიფიქრია. ვიცი, რომ გუნდთან ერთად დიდ შედეგებს მივაღწევ, ახალი პროექტი უნდა განვახორციელო, რომელიც „როხიბლანკოს“ სხვა სიმაღლეზე აიყვანს.“

„ჟირონა“? ფაქტია, ეს გუნდი ძალიან სტაბილურია, მაგრამ ვთვლი, რომ ჩემი კოლექტივის მთავარი კონკურენტები სეზონის დასკვნით ნაწილში „რეალი“ და „ბარსელონა“ იქნებიან.“

„ევროსარბიელი? ჩვენ გვაქვს კონკრეტული გეგმები ყველა მიმართულებით, რომელიც აუცილებლად უნდა განვახორციელოთ.“