„ვალენსიასთან“ მატჩის შემდეგ კარლო ანჩელოტიმ პრესკონფერენცია გამართა...

„ვინისიუსი და როდრიგო სასურველ დონეს დაუბრუნდნენ, მათ დრო სჭირდებოდათ, ბოლო დღეებში კი დაამტკიცეს, რომ შესანიშნავ ფორმაში არიან. ორივე ბრაზილიელი დიდ საქმეს აკეთებს.“

„ეს იყო საუკეთესო თამაში, რომელიც ამ სეზონის ამ ეტაპამდე ჩავატარეთ. „ვალენსიამ“ ვერაფერი გააწყო, რადგან „რეალი“ უბრალოდ არ შეუჩერებელი გახლდათ.“

„მეტი დრო ლუნინს და უსამართლობა? როდესაც ამხელა კონკურენციაა და არჩევანის გაკეთება გიწევს, ხანდახან შესაძლოა უსამართლოც იყო. იგივეს ვიტყოდი მოდრიჩზეც, რომელიც ასევე სკამზე დარჩა და თამაშში მეორე ტაიმში ჩაერთო. ანდრეიმ დაამტკიცა, რომ უმაღლესი კლასის მეკარეა, მან ბოძებული შანსი ბრწყინვალედ გამოიყენა.“

„კამავინგა ჩამშლელი ნახევარმცველის პოზიციაზე შესანიშნავია, მან უნაკლო შთაბეჭდილება დატოვა, როგორც „ბრაგასთან“, ასევე „ვალენსიასთან“. ფრანგი განსაკუთრებული უნივერსალობით გამოირჩევა.“

„„ჟირონა“ პირველ ადგილზე შემთხვევით არ არის. ფაქტია, ეს გუნდი მატჩებს იგებს და „ქამბექებსაც“ გვთავაზობს. კატალონიელებს ევროსარბიელთან დაკავშირებით არანაირი დატვირთვა არ აქვთ და ლა ლიგაზე კარგად კონცენტრირდებიან.“

„ბრაჰიმ დიასს ვუთხარი, რომ ქუსლით ნაკლები ეთამაშა, რადგან ეს გუნდის ეფექტიანობას არ ზრდის.“

„არ ვიცი, რა მოხდება ბელინგემის ირგვლივ, შესაძლოა ის ინგლისის ნაკრებში წავიდეს და შეგრძნებების მიხედვით მიიღოს გადაწყვეტილება. „ღამურებთან“ მისი გამოყენება სასურველი არ იყო, რადგან არსებობდა რისკები.“

„კარვახალი უდიდეს გამოცდილებას ფლობს. ბოლო წლებში მას საუკეთესო სეზონი აქვს და უნაკლოდ გამოდის მოედანზე.“