ფლორენტინო პერესმა „რეალის“ გენერალურ ასამბლეაზე ესპანური ფეხბურთის სავავალო მდგომარეობაზე, VAR სისტემაზე, მსაჯებზე, მენეჯენტსა და ბევრ საინტერესო საკითხზე გაამახვილა ყურადღება...

„ესპანეთში ფეხბურთის მდგომარეობა კიდევ უფრო შემაშფოთებელია. ამჯერად ბევრ სიტყვას არ მივუძღვნი ესპანეთის ფეხბურთის ფედერაციას, იმის გათვალისწინებით, რომ ის რეგენერაციის პროცესშია ჩაფლული. არსებობს რამდენიმე განსაკუთრებული აქტუალური საკითხი, რომლებიც პირდაპირ დამოკიდებულია ესპანეთის ფეხბურთის ფედერაციაზე. ისეთივე მგრძნობიარე და მნიშვნელოვანი საკითხები, როგორიცაა მსაჯობის ხარისხი და VAR-ის გამოყენება, ტექნოლოგიური ინსტრუმენტი, რომელიც მოვიდა ფეხბურთის გასაუმჯობესებლად და რომელიც დღეს ასე კითხვის ნიშნის ქვეშდგას პასუხისმგებელი პირების არასწორი მენეჯმენტისა და მიზნების გარეშე გამოყენების გამო“.

„საკითხი, რომელიც ყველაზე მეტად გვაწუხებს და რისთვისაც ძალიან მტკიცე ზომები უნდა მივიღოთ, არის ლა ლიგის მრავალჯერადი ქმედებები მადრიდის „რეალის“ ინტერესების წინააღმდეგ. ეს არის ქმედებები, რომლებსაც აქვთ ერთი მიზანი: შეტევა ჩვენი კლუბის ფინანსურ აქტივებზე. პირველ რიგში უნდა აღინიშნოს, რომ კონკრეტული პირები 50 წლის განმავლობაში ცდილობდნენ აუდიოვიზუალური უფლებებიდან ჩვენი შემოსავლის 11%-ის ექსპროპრიაციას, შემდეგ კი ცდილობდნენ სპორტის კანონის შეცვლას ჩვენი კომერციული უფლებების მითვისების მიზნით. ლა ლიგის ოპერაცია CVC-ით უბედურებაა ესპანური ფეხბურთისთვის. ჩვენ გვჯერა, რომ დარღვევების გათვალისწინებით, ის საბოლოოდ გაუქმდება ესპანეთის სასამართლოების მიერ.“

ჩვენ არ შეგვიძლია დავუშვათ, რომ ჩვენი მემკვიდრეობა ვინმემ წაგვარტვას, რადგან მასზეა დამოკიდებული ჩვენი აწმყო და მომავალი. ისინი ამას აკეთებენ იმიტომ, რომ მართლა ჰგონიათ, რომ თუ წაგვართმევენ, ეს არ იმოქმედებს ჩვენზე პირადად. ეს არის მავნებლური ქმედებები, რომელიც არამხოლოდ კლუბების, არამედ ზოგადად ჩემპიონატისთვის არის ცუდი, ვინადაინ ჩემპიონატს კლუბები ქმნიან.“

„სანტიაგო ბერნაბეუ უნდა გახდეს ევროპული საფეხბურთო კულტურის ცენტრი და ჩვენ ამისთვის ყველაფერს ვიღონებთ. გვჯერა, რომ 2030 წლის მსოფლიო ჩემპიონატის ბერნაბეუზე ჩატარება საუკეთესო გადაწყვეტილება იქნება, ვინაიდან ეს უალტერნატივო სტადიონია.“

„ჩვენ არასდროს შევწყვეტთ ვინისიუს ჟუნიორის მხარდაჭერას. ბოლო დროს განვითარებული მოვლენები არამხოლოდ ვინის ფსიქიკაზე, არამედ სრულიად ესპანურ ფეხბურთსა და ქვეყანაზე ახდენს უარყოფით ზეგავლენას.“

„მსურს დიდი მადლობა გადავუხადო მარკო ასენსიოს, რომელმაც გასულ ზაფხულს დაგვტოვა, მაგრამ მისი ისტორია „რეალში“ წარუშლელია. ვილემსენმა 17 ტიტული მოიგო.“

„მსურს, დიდი მადლობა გადავუხადო ალვარო ოდრიოზოლას, ედენ აზარს და მარიანო დიასს, რომლებმაც საკუთარი წვლილი შეიტანეს გუნდის წარმატებით გამოსვლაში.“

„ჩვენ უდიდეს პატივს ვცემთ კარიმ ბენზემას, ის „რეალიდან“ წავიდა, მაგრამ დარწმუნებული ვარ, მისი ფიქრები ყოველთვის იქნება „რეალთან“ და ბერნაბეუსთან დაკავშირებული. მოვა დრო, როდესაც მას აქ ისევ ვიხილავთ, „რეალის“ კარი ლეგენდისთვის ყოველთვის ღიაა. ბენზემა არის ფეხბურთელი, რომელმაც საოცარი ეპოქა შექმნა და კლუბის ისტორიის ერთ-ერთი საუკეთესო ფეხბურთელია.“

„ყოველდღიურად ვმუშაობთ იმისთვის, რომ „რეალში“ ახალგაზრდა ნიჭით სავსე ფეხბურთელები მოვიყვანოთ. ჩვენთან ერთად არიან ნამდვილი პროფესიონალები, რომლებიც ამ მიმართულებით დიდ საქმეს აკეთებენ. თვალსაჩინო მაგალითია ჯუდ ბელინგემი, ის მხოლოდ 20 წლის არის, მაგრამ უკვე შესანიშნავად გამოდის და მადრიდულ პუბლიკას თავი შეაყვარა. „რეალის“ ხელმძღვანელობა ამ გზიდან არ გადაუხვევს, რადგან ეს არის წარმატების გზა.“

„აღსანიშნავია ის ფაქტი, რომ ფორბსმა რამდენიმე დღის წინ გამოაქვეყნა ინფორმაცია, რომლის მიხედვითაც, ყველაზე ძვირადღირებული საფეხბურთო კლუბი მსოფლიოში მადრიდული გრანდია, რომლის ღირებულება 6 მილიარდს შეადგენს, მე პირადად კი მჯერა, რომ „ბლანკოსი“ ბევრად მეტი ღირს."

აუცილებელია მივიღოთ ზომები, რათა „რეალმა“, როგორც ინსტიტუტმა, ასევე მისმა პარტნიორებმა და მფლობელებმა შეძლონ დაიცვან ჩვენი კლუბი, როგორც სამართლებრივ, ასევე ეკონიმიურ დონეზე. მე გავაგრძელებ მუშაობას და ვეცდები, უახლოეს თვეებში წარვადგინო ახალი პროექტი და სტრუქტურა, რომელიც მოგვცემს საშუალებას უფრო ორგანიზებულები ვიყოთ და შევძლოთ საკუთარი თავისა და კლუბის დაცვა ნებისმიერი საფრთხისგან.“

„ისეთი ლეგენდები, როგორებიც არიან დი სტეფანო, პუშკაში, ხენტო, კოპა, სანტამარია და სხვები, ნამდვილად იმსახურებენ იმ ისტორიის გაგრძელებას, რომელიც ამ დიად კლუბში შეიქმნა და დღემდე გრძელდება.“

„„რეალი“ ერთადერთი კლუბია მსოფლიოში, რომელსაც სოციალური ქსელების ყველა პლატფორმაზე 500 მილიონზე მეტი გამომწერი ჰყავს. გარკვეული დროის წინ სოციალურ მადრიდიზმზე ისაუბრეს გარკვეულმა პირებმა, მე კი ამ წინადადებას შევასწორებდი და ვიტყოდი უნივერსალური სოციალური მადრიდიზმი. დიახ, ეს ასეა, რადგან მსოფლიოს ყველა წერტილში ჩვენი პოპულარობა პიკს აღწევს და კიდევ უფრო მზარდია, ამ მოცემულობას კი ყველა უნდა მოერგოს.“

„„ნეგრეირას“ საქმესთან დაკავშირებით ვიმედოვნებ, რომ სასამართლოს საბოლოო გადაწყვეტილება რელევანტური და მტკიცებულებებზე დაფუძვნებული იქნება. ამ საქმემ ძალიან დააზიანა ესპანური ფეხბურთის იმიჯი, სწორედ ამიტომ ვისურვებდი, რომ ყველაფერს მალე დაესვას წერტილი.“

„„რეალი“ მე-20 საუკუნის საუკეთესო კლუბად დასახელდა, 21-ე საუკუნეში კი ყველაზე წარმატებული გუნდის სტატუსს ატარებს. ჩვენ უნდა შევქმნათ ყველა საფუძველი იმისთვის, რომ დადგეს დრო, როდესაც გუნდს 21-ე საუკუნის საუკეთესო კლუბადაც დაასახელებენ, ეს იქნება სხვა ეპოქასა და მმართველობაში, თუმცა ამისთვის ყველამ უნდა იბრძოლოს.“