ბრაჰიმ დიასმა „ბრაგასთან“ საოცრად ითამაშა, გოლის გატანაც შეძლო და მოედანზე ერთ-ერთი საუკეთესო იყო.

„დავინახე, რომ გულშემატკივრებმა დიდი სიამოვნება მიიღეს. ეს საოცარი თამაში იყო და ბედნიერი ვარ, რომ გამარჯვებაში საკუთარი წვლილის შეტანა შევძელი. როგორც კოლექტიურ, ასევე ინდივიდუალურ დონეზე კმაყოფილი ვარ.“

„მწვრთნელს შეუძლია ჩემი იმედი ჰქონდეს რამდენიმე პოზიციაზე, ვინაიდან უნივერსალი ვარ.“

„როდრიგოს ფანტასტიკური მატჩი ჰქონდა და არ გამკვირვებია, რომ საუკეთესო ფეხბურთელის ჯილდო მიიღო. ვულოცავ ბრაზილიელს შემტევს.“

„თუ ანჩელოტი არ მათამაშებს, მე უფრო მოტივირებული გავხდები. ეს იმას ნიშნავს, რომ უფრო მეტი უნდა გავაკეთო. ზუსტად მჯერა ჩემი შესაძლებლობების და ვიცი, რომ სამეფო კლუბში თავის დამკვიდრება შემიძლია.“

„ბერნაბეუზე შეკრებილი პუბლიკისგან ყოველთვის დიდ სიყვარულს ვგრძნობ. ამისთვის მადლობა ქომაგებს.“